八方早前講過,白鴿黨嘅何俊仁暑假冇得放假,因為佢要留喺香港主持大局,要求日本人負起戰後責任,不過,阿仁原來重有其他原因要留低,冇得走人。
下個星期一至五,佢會為一宗天水圍嘅家庭慘劇出席死因研訊做義務律師,代表女死者嘅妹妹。何俊仁話,天水圍特別多新移民,家庭問題亦相對嚴重,呢宗倫常慘劇嘅女死者曾多次向警方尋求協助,但係最終難逃一劫。區內嘅婦女組織都覺得問題好複雜,需要社會更多關注,所以好希望何俊仁跟進。
八方問阿仁,過咗下星期可以唞唞啦,佢話都係走唔開,因為聯合國喺九月份可能會就日本入常進行表決,到時佢一定會去絕食抗議!何俊仁估計自己可以頂得住幾日唔食嘢,但係啲朋友就未必得,到時或者要諗另類抗議方法。
傳真︰2623-9278
電郵︰[email protected]