較早時人民幣升值兩個巴仙，分析員話，中資公司購買力增強，可能增加購買香港物業，𠵱家正好有一例。 港置葉偉良話，一家中資公司，以百九萬，買入沙田第一城一座中層五百四十呎E室，每呎三千五，用作投資。佢話，件貨重係「即放即賣」，放盤不足半日就賣出。 第一城目前呎價三千三，比一個月前升咗三個巴仙，今個月有二十六宗交投，增加一成半。