胡杏兒（左）噚日接受商台電話訪問，近排佢同劇集《我的野蠻奶奶》拍檔黃宗澤（右）嘅緋聞傳到熱烘烘，連馮仁昭都以為佢兩個好事近，不過噚日杏兒強調佢哋只係好朋友，重話佢每次傳緋聞都會傳到好「行」喎。杏兒重自爆話成日同對方傾電話講番《我》劇嘅劇情。不過馮仁昭就奇怪乜杏兒拍嗰時唔知拍乜咩，點解𠵱家重要傾番啲劇情呢？