黃宗澤在劇集《天幕下的戀人》飾演一名戇直的有錢青年，不少貪慕虛榮的女子自動送上門。其中一幕講黃宗澤被何綺雲當街狼吻，令他措手不及，嚇到滿頭大汗。
黃宗澤在劇集《天幕下的戀人》裏一直暗戀周麗淇，但礙於好友鄭嘉穎同樣鍾情對方，黃宗澤只好守護着心目中的女神，他說：「我個角色係比較純情，又蠢蠢哋，為咗配合呢個性格，我特登剪個薯look，似番個戇直青年。劇入面我會暗戀周麗淇，最後我都會向佢求婚，但未知結果，因為劇本未出。不過劇中周麗淇家姐何綺雲就知我係有錢仔，想追我，所以成日刻意接近我，重搵機會咀我。」
突然「施暴」
日前黃宗澤在旺角街頭拍攝該場狼吻戲，藝員訓練班出身的何綺雲飾演周麗淇的姐姐，負責向黃宗澤「施暴」。黃宗澤說：「喺戲入面，我係唔知佢（何綺雲）鍾意我，佢突如其來咀我，嚇到我儍晒。」
緩和氣氛
拍過不少咀戲的黃宗澤，埋位前其實十分輕鬆，他笑說：「以我所知，何綺雲係螢幕初吻，我都驚佢會緊張，所以事前就請大家飲嘢，令氣氛唔會咁緊張。」何綺雲首拍咀戲便要主動獻吻，她說：「都係簡單嘢，劇情需要我先咁主動。」
採訪、攝影：楊潔雯
