筆者一日揸車時，經過舊啟德機場嘅香港飛行會草坪旁，發現一個密不透風嘅白色帳幕，除外圍閘門前有便衣保安看管之外，我重見到有唔少揸住SuperCar嘅人進出帳幕，當中好彩遇上一個相熟朋友，疑團隨即解開！
與F430搶頭啖湯
原來之前喺歐洲網站曝光、計劃將會喺9月德國法蘭克福車展做首展嘅全新林寶堅尼GallardoSpyder超級跑車，喺無知會傳媒下運到香港。據聞廠方有呢個決定，係因為同級對手嘅法拉利F430雖然大收旺場，但F430的開篷Spider跑車最快都要2007年先會面世，所以林寶堅尼GallardoSpyder要搶飲頭啖湯，重要乘機搶埋法拉利最龐大嘅亞洲市場。
聽聞GallardoSpyder新車會趕及2006年初投產，而香港配額售價約喺300萬上落。
記者、攝影：陳偉林
