女子組合Cookies的四位成員自拆散發展後，昨日終於再聚頭，齊於柴灣拍攝運動鞋廣告，四人以六個不同造型示人，Stephy以一身白裙的公主扮相出現，卻被取笑似新娘。
提到有報道指Miki日前偷偷上鄭中基的保母車，被指到鄭中基的住所相聚，對於成為鄭中基的眾多緋聞女友之一，Miki謂得啖笑，但也不會抗拒坐他的車，Miki說：「我哋公司啲同事好多時會約埋坐車，當晚我中途已經落咗車，都冇上過佢屋企。」
自己識煮麵
至於該報道拍得鄭中基與一女子在家親熱及吃麵，Miki說：「我冇食麵，我自己都識煮啦。」問Miki是否需要向鄭中基女友解釋？她說：「邊個呀？我唔清楚喎，都係新聞嚟啫，朋友會明白。」那麼Miki是否要向緋聞男友徐天佑解釋？她說：「好好笑囉，總之我哋係朋友就唔會問。」現年二十歲的Miki表示自己並不急於拍拖，也不會選花心男人做對象。