YoYo早前被雜誌拍到和一女記者在沙灘親熱，前晚她出席《朱古力獎門人》首映時否認自己曾承認是同性戀者，其後更被記者追問至眼濕濕想喊。另外，李依琳亦發公開信給傳媒，指自己早前突然喊是因為入娛樂圈壓力大和身體不適。
陳自瑤（YoYo）、李依琳、黃囗瑩、殷纓、楊天命等前晚出席在會展舉行的《朱古力獎門人》首映，會場設有朱古力噴泉，讓嘉賓用綿花糖蘸朱古力醬食，其間殷纓不慎將朱古力滴落胸口，被取笑是「朱古力波」。
「冇乜接受唔到」
早前被拍到和一位女性娛樂記者在沙灘親熱的YoYo曾向雜誌承認自己是同性戀者，但前晚YoYo改口指「我冇承認過」，她說：「可能我表達能力差，令人誤會，我嘅意思唔係咁，我以前讀女校，好多呢類朋友，見怪不怪亦唔抗拒，女仔close啲冇所謂，呢個年代好普通，我支持自由戀愛，冇話乜接受唔到。」
YoYo指該女記者當晚只是開解自己，她說：「我最近唔開心，呢個朋友放大假開解我，我鍾意去沙灘坐，佢只係開解我。我知佢係同性戀，我唔介意，亦唔會影響我識朋友。我想講佢係我嘅好朋友，有義氣，我唔想傷害到人。」記者指相片清楚拍到兩人接吻，YoYo搖頭，眼泛淚光，記者見她想喊，亦放她一馬。
稱不討厭傳媒
此外，扒女李依琳早前拍攝美容中心廣告時，因記者影相一度當場灑淚，昨日她向記者派發英文公開信，內容指自己喊是因為病和壓力，並非吃了藥，亦沒有討厭傳媒，李依琳說：「我有啲活動冇出席，係因為發燒，我之前一年都冇病，今年開始先病，係因為覺得入咗行壓力好大，我連續六日瞓喺張床度，今日係第一日出街。」問她可會考慮退出娛樂圈，李依琳說：「我又真係鍾意娛樂圈，接嘅工作好好玩。」
採訪：魯萍
