只要價錢平，加息何足懼，筍盤唔怕賣唔出，好似西貢帝琴灣有件貨，叫價有一成折讓，買家睇樓即時落定。世紀二十一奇豐余振明話，凱弦居九座千三呎低層A室，連車位，以近五百七十八萬、每呎近四千六易手。 佢話，原來個業主當時身在北京，買家好心急，於是懇請代理當晚送定金上京，先至做成單交易。話就話平一成，個業主揸咗五年，賺到兩成二。