大陸科技網絡股在花旗熱炒，造就好多大陸富豪新貴，好彩本地都唔差，有隻大陸icq騰訊（700），可以畀本地投資者一齊趁下熱鬧，總之大陸Google百度在花旗炒咁耐，騰訊股價就升足咁耐。
不過，經紀黃提醒小初，雖然騰訊的PE相對在花旗上市的大陸同類股為低，但唔好忘記當日科網股亦曾有爆破時刻。騰訊06年預測PE有成20倍，究竟係貴定平？認真見仁見智，所以都係趁熱鬧細細注炒下就算，唔好太長情。
騰訊將在8月24日公布中期業績，唔少分析員都估計盈利有機會似第一季般下降，但估計下半年應該可以回升。此外，騰訊兩位老闆在上個月曾經在6元樓上減持過，應有一定啟示。騰訊昨日升4％，收6.40元，成交股數398萬股，金額2512.4萬元。
另外，濠賭股英皇娛樂酒店（296）昨日勁升12.87％，收1.93元，成交股數有1692.6萬股，金額3137.4萬元。
經紀陳話，英娛喺澳門南灣的酒店，將在9月份開始營業，可能炒定作贈興。
慕容小初