做數碼產品嘅上市公司松日（283）為推廣品牌，搵過謝霆鋒與Twins做代言人，今次就請到舊年奧運七面游泳金牌得主米高菲比斯（MichaelPhelps）做全球代言人，使咗幾多錢，梗係唔講啦。米高今個星期五會喺香港出現，松日到時會宣布推出全新MP3機。
松日選菲比斯，因為佢鍾意喺比賽前聽音樂去放鬆自己，刺激鬥心。睇嚟日後菲比斯不但可以喺起跳台前聽MP3，重可以幫松日賣廣告，真係一舉兩得。
Michael喺深灣軒泳池開完記者會，與業餘游泳總會會員切磋交流，鍾意游水嘅，記住搵佢學番兩招。
電郵地址：[email protected]