二十位準港姐昨日在屯門探訪長者，14號鄧上文因其父鄧英敏有屯門王子之稱，而被公公婆婆視她為屯門幫，並稱她獲獎機會大，11號蕭曉佳今日面對會考放榜，但她竟然選美大過天，決定暫不會回學校取成績單。
無綫《2005年度香港小姐競選》二十位候選佳麗昨日應邀到屯門仁愛堂探訪長者，佳麗與公公婆婆玩遊戲，逗得一眾長者十分高興，19號文健儀還獲婆婆送上親手製的米奇飾物，令她一時感動，眼泛淚光。
「識同老人相處」
14號鄧上文與婆婆閒談時，婆婆牽着她的手稱讚說：「你一定攞友誼小姐獎同大獎，畀心機。」鄧上文深得屯門長者歡心，對此她說：「我都識同老人家相處，因為屋企有公公婆婆，而且我嫲嫲以前住喺呢度附近，佢哋認得我係屯門幫，又知我老竇係屯門王子，所以先特別好傾。」
二十位佳麗當中，以11號蕭曉佳年紀最輕，她是一位文科生，今日會面對中五的會考放榜，不過她已打算暫不回校取成績單，以選美為大前提，視學業為次要，果真選美大過天。
「成績點都留學」
蕭曉佳說：「其實我心情都唔太緊張，我已經同老師聯絡咗，會遲啲先返去攞成績，因為我參選得港姐都想努力完成，唔想分心，況且我都已經中五畢業啦，無論成績點我都會去外國留學，如果得獎嘅話就會留低，之後先再讀書。」
此外，有報道8號葉翠翠父親為消防員教官，於九七年學員訓練期間有學員身亡，至今仍有學員因此事不滿，葉翠翠解釋說：「我當時身在英國讀書，但我好肯定件事喺法律同消防處方面都證實咗件事係冇問題，如果唔係我爸爸都唔可以繼續做教官。」
採訪：卓寶花
攝影：仇志德