駱樂早前由亞視轉投無綫，並簽約新經理人公司「一席好漢」，她表示希望有機會與導演爾冬陞合作，因為很欣賞他的才華。
日前駱樂穿上比堅尼大晒均勻身材，她表示不介意穿比堅尼拍照和出鏡，她說：「因為我覺得自己有青春本錢，趁機會留倩影，所以一啲都唔介意。」
盼演未婚媽媽
問駱樂最想演甚麼角色？她說：「要有挑戰性同有發揮機會，就算要我演未婚媽媽，好似電影《早熟》嘅角色都得，我覺得Fiona（薛凱琪）演得好好，比電視劇《學警雄心》重要好，我諗係因為佢遇到爾冬陞呢個好導演。之前張栢芝拍佢嘅《忘不了》都好感人，我希望將來有機會畀佢（爾冬陞）教我做戲。」
駱樂（Vivian）
年齡：23歲
三圍：32B、24、34
身高：5呎4吋
體重：95磅
入行經過：九九年參加「相聚一刻模特兒比賽」，取得冠軍後便在成人網站做主持，之後簽約亞視成為天氣女郎
電視劇：《電視風雲》、《騷東坡》、《赤沙印記@四葉草.2》等
電影：《山雞故事之友情歲月》、《流氓師表》、《十五歲半》、《少年鎗黨》、《陰陽路十一》等
採訪：比華利
攝影：陳偉權
服裝：PrivateShop
