由梁家輝（左）同任達華（右）主演嘅電影《黑社會》成為咗今年墨爾本國際電影節嘅閉幕電影，導演杜琪峰（中）日前應大會邀請去當地出席一個座談會，同在場人士分享佢對香港黑社會嘅睇法同感受。杜琪峰自細喺九龍城寨長大，對黑社會同嫖賭毒都見慣啦。而佢喺開拍前重同唔少黑幫大佬食飯飲酒攞料，做足晒資料搜集。