羅家英前晚去咗會展睇首映，佢話好支持汪明荃為新光戲院續約出力，對於新光重新裝修要成一千二百萬，家英哥話：「籌款都唔籌得咁多。」另外，有傳民政事務局局長何志平同新光老闆羅生開閉門會議，續約成功，政府會提供利益畀羅生，家英哥對此傳聞好不滿咁話：「何志平嘅能力係咪咁大先！澳門都會保留文化遺產，但香港就乜都拆晒，唔知政府想點！」