今日會考放榜，對於呢班學生哥，係人生其中一個大日子，成績好可以開開心心繼續升學，成績唔好就幾彷徨。香港置業置善會，日前特別為香港青少年服務處嘅中五生，舉辦一個「成功之道分享會」，勉勵學生積極面對人生，計劃未來。
置善會請嚟將軍澳及沙田區助理區域董事梁家華，分享佢嘅經歷。梁助董中學畢業後，因為學歷唔高，曾經擔心出路問題，最初做快餐店及警察，但因想闖一番事業，後尾加入地產代理業，入行冇耐，遇上九七金融風暴，因為冇氣餒，𠵱家升到助董個位。
佢話，凡事只要盡咗力，結果唔理想，都唔使過份介懷，只要自己方向清晰，確定目標，做嘢唔怕蝕底，比人行多一步，始終會有成功嘅機會。