陳奕迅女友徐濠縈前晚喺銅鑼灣耀華街一間二手手袋專門店shopping，女售貨員一見佢出現連隨熱情招呼。不過唔知徐濠縈係咪因為見到傳媒嘅關係，佢走時兩手空空，重主動同記者講話係純粹睇嘢。提到噚日佢老友馮德倫牛一，問佢有冇同對方賀壽？徐濠縈居然扮儍大叫話：「係喎！我都唔記得㖭！冇聽過佢搞生日會喎。」之後就以摩打腳急閃。