梁詠琪（GiGi）為了宣傳新歌《比堅尼》，正考慮是否穿三點式泳衣做宣傳，GiGi近日就在網頁諮詢歌迷意見，而男友鄭伊健則戲言：「佢夠膽咪着囉！」
梁詠琪（GiGi）、林一峰和at17等前晚在灣仔會展出席有份配音的動畫《熱鬥小斑馬》首映，GiGi表示在片中有不少與林一峰的談情對白，還要向對方示愛，她說：「感覺有啲怪，但大家好投入角色，我哋成日用歌聲談情，用歌嚟神交。」
「fans叫我唔好着」
GiGi最近推出新歌《比堅尼》，她正考慮是否穿三點式泳衣宣傳，近日又在網頁請歌迷投票決定，GiGi說：「fans就叫我唔好着，佢哋話如果我着，咁佢哋要做心理輔導，所以我都要好大考慮。我唔係唔滿意自己嘅身材，但要睇隻歌同歌迷嘅反應。」那男友鄭伊健有何意見？她說：「我冇問過佢。」
唔怕女友被睇蝕
伊健和周麗淇昨日在旺角出席「香港電腦通訊節2005」記者會，二人被委任為「IT大使」。談到GiGi不介意穿三點式泳衣為新歌宣傳，伊健說：「佢夠膽咪着囉，藝人歌手着嘅衫經常都近乎三點式，都唔怕睇蝕，你估係木咩，磨吓磨吓先會蝕，真係蝕嘅話肥人就唔使瘦身減肥，你估摸兩吓就會瘦咩。」提到與GiGi吵架傳聞，伊健說：「我間屋兩邊嘅鄰居，一邊係『吉屋』，另一邊係方中信，除非個八婆係方中信，佢好似唔喺香港。」
採訪：張俊銘 攝影：葉君海
