唔少發展商蠢蠢欲動，準備暑假過後，展開賣樓攻勢，所以近排開賣嘅新盤，不時都見有行家參觀，交流心得。好似噚日開賣嘅北角慧雲峯，繼英皇張炳強日前到場，噚日嘉里吳美珊亦都去觀摩。 佢參觀示範單位嗰陣，都睇得幾仔細，南豐集團售樓職員，一路陪同兼講解物業資料。吳美珊話，嘉里未有新盤賣住，最快都係何文田山道十五號，咁蹺，又係單幢樓！