【本報訊】藍藍綠綠的漱口水，聲稱可以防止蛀牙、令口氣清新，甚至令牙齒潔白亮麗；但原來漱口水種類繁多，胡亂使用隨時會弄巧反拙。有牙科醫生警告，含殺菌成份的漱口水不但影響味覺，更會殺掉口腔內的益菌，影響消化，令身體的免疫力減低，使用短短兩星期，牙齒更會出現啡色的牙迹，不宜長期使用。
記者：張嘉雯
牙科醫生葉慶良接受訪問時解釋，巿面上的漱口水一般可分四大類，分別用作清新口氣、幫助防止蛀牙、殺菌防牙周病及幫助牙肉復原。他指出，用作殺菌的漱口水一般含有ChlorhexidineGluconate成份，藥性強烈，可以影響味覺，「係真係牙肉發炎，或做完小手術之後，我哋先會推薦啲病人買嚟用，而只係用一段短時間，唔會話日日用，屋企都唔需要話日日噴蟲水啦！」
口腔含數十種細菌
葉慶良表示，一般人口腔內含有數十種細菌，其中害菌佔十多種，殺菌漱口水對口腔細菌「有殺錯無放過」，把非有害的細菌也殺掉，「啲酵素可以幫助消化，你殺晒啲菌，口入面變咗無菌狀態，長遠會令人本身嘅免疫能力減低。」他又指，長期使用殺菌的漱口水，會令牙迹沉澱，令齒邊留下難看的污迹，要真正防止牙周病，使用漱口水遠不及刷牙及使用牙線有效。
一般人防止蛀牙，可以選擇含有氟化物如SodiumFluoride的漱口水，「有啲人有口乾症或者口水腺（唾腺）塞咗嘅人用，因為佢哋口水分泌唔夠，食完食物唔夠口水中和酸性，令到牙齒表面停留住高濃度嘅酸性物質。」
勿盲目追求氟化物
葉慶良又提醒巿民勿盲目追求氟化物含量高的漱口水，「香港嘅水入面已經加咗氟化物，我哋係南方人，飲水多，又鍾意煲水、煲湯，好濃縮，入面有好多氟化物，煲骨煲魚尤其多。」他表示，除非醫生指示，否則巿民沒需要刻意選用氟化物含量高的漱口水，否則會令牙齒長出白斑，失去透明象牙色的光采。