楊崢早前以樂施會「非洲基金大使」身份往當地採訪，她表示此行體會到快樂不是用物質衡量，簡樸的生活同樣過得開心。
名模楊崢早前以樂施會「非洲基金大使」身份，首次踏足非洲作親善探訪。在七日旅程中，楊崢透露大部份時間用在交通上，她說：「我哋要去非洲贊比亞，同距離首都Lusaka分別四個同七個小時車程嘅兩個小鎮，出發之後，轉機同轉車用咗兩日幾，先至到達第一個目的地Montze。
「我哋主要探訪當地農民，了解佢哋嘅困難，以貸款形式幫佢哋，例如改善耕地、買耕田工具等，等啲婦女都可以工作。」
石仔擊穿玻璃
由於非洲部份落後地區治安不靖，楊崢等人更一度誤以為遭槍擊，她說：「我哋六個人坐一架車，行行吓忽然『嘭』一聲，擋風玻璃即刻裂開，初初以為俾槍手襲擊，即刻駛去鄰近村落報案同檢查，之後先知係俾石仔打中，虛驚一場。」
楊崢表示此行體會很深，她說：「喺香港嘅生活雖然唔係大富大貴，但都叫做幾身嬌肉貴，但係過咗幾日簡樸生活，見到當地居民啲笑容好似陽光咁，先發覺簡簡單單都可以好開心，唔一定要有豐裕嘅物質。」
