楊千嬅與鄭中基（Ronald）這對舊情人，早前為了斷絕緋聞聲言要上契，前晚二人在《勁歌》碰頭時大方合照，但不知鄭中基是否怕現任女友蔡卓妍呷醋，似乎十分拘謹；千嬅則表示不用上契儀式，即時大叫Ronald做「大佬」，並着對方叫她「細佬」。
楊千嬅、鄭中基、古巨基、薛凱琪、衛蘭及何韻詩等前晚到將軍澳電視廣播城出席《勁歌金曲優秀選第二回》領取歌曲獎，無綫三位小生林峯、鄭嘉穎及吳卓羲都有歌曲入圍，而周國賢就得「最受歡迎廣告歌曲獎」、李克勤獲「最受歡迎華語歌曲獎」，而「新人薦場飆升獎」則由吳卓羲、王菀之及衛蘭齊齊奪得。
合照保持距離
前晚千嬅與Ronald舊情人碰頭，成為焦點，二人難得大方地應要求合照，但卻有默契地一同做出雙手插袋姿勢，且保持距離，記者叫Ronald搭千嬅膊頭，他即大叫：「吓？」千嬅則說：「你見唔到我哋企得好型㗎咩？」不過二人最終都站近一點，及後要求二人一同接受訪問，Ronald再次裝作聽不到，並由助手拉走，千嬅只好說：「唔使啦。」
問到二人上契一事，千嬅說：「我哋私底下有傾過，但係講笑咁講，大家都冇所謂，Ba叔間公司個個都係兄弟姊妹，大家都係契仔契女。」千嬅表示不用與Ronald正式上契，其後向着Ronald大叫：「大佬。」
問千嬅想對方叫她甚麼，千嬅說：「佢叫我細佬囉，個個都當我男仔。」千嬅謂若真上契，希望Ronald送她玉器，因為可以辟邪，但其後又稱純粹開玩笑。
支持大佬開騷
對於Ronald明年四月會在紅館舉行個唱，千嬅說：「我唔知喎，佢開個唱我會支持，佢好多歌㗎。」問千嬅會否買票捧場，她說：「唔關我事，身為細佬同埋同事，一定支持，兩囗插刀。」
此外，吳卓羲被問到怕不怕被指無綫益自己友，所以無綫小生都得獎，他說：「唔關事，係公眾投票㗎嘛。」
採訪：胡比、王崇穎
攝影：何國豪、葉君海
