噚日恒生銀行發「恒生銀行海外留學獎學金」嘅日子，平日非常忙碌嘅副董事長兼行政總裁柯清輝，抽空同得獎嘅學生茶敍，重請咗佢口中嘅神鵰大俠楊過──國泰嘅行政總裁陳南祿嚟，同學生分享心得。
柯清輝解釋，點解佢會覺得陳南祿似楊過呢？之唔係因為陳南祿自七七年加入國泰母公司太古以來，從未轉過工，直情同楊過對小龍女嘅一往情深有得揮，嗰份專一真係好少人可以做得到。八方即時諗，咁楊過身邊隻鵰，又應該係邊個呢？
得到柯大俠咁讚法，陳南祿話唔敢當，佢話國泰有今時今日，最重要係十二個字「老細英明、同事能幹、顧客支持」！
傳真︰2623-9278
電郵︰[email protected]