人權冇分階級，就算做錯事嘅囚犯都應該享有基本人權，包括日常起居飲食。香港有一班太平紳士，佢哋嘅主要職能就係巡視監獄，確保囚犯人權受到保障。囚犯有權向太平紳士投訴，而有時候，囚犯嘅投訴都幾出人意表。
根據太平紳士巡視年報講，曾經有一名扣留喺羈留中心嘅少數族裔人士，投訴當局冇提供佢家鄉嘅特色薄餅；又有一名收容所嘅男院童，投訴院舍護士唔肯提供抗生素。兩宗投訴都唔成立，不過啲太平紳士都幾為囚犯着想，建議感化院舍應該密啲轉餐單，提供多啲食物種類。唔好睇小呢啲好似係雞毛蒜皮嘅小事，對囚犯嚟講可能好重要。
傳真︰2623-9278
電郵︰[email protected]