新地觀塘apm商場，活動真係多到數唔晒，啱啱至搞完個「apm放榜好心情音樂會」，上個禮拜六，請咗七個偶像歌手，包括伍佰、S.H.E.、范曉萱、張智成、吳佩慈、謝安琪等，由下晝一點，唱到晚上八點半，實行以馬拉松音樂會，替應屆會考生唱不停，等啲考生可以開心迎放榜。 apm今日就請咗著名日籍設計單位Devilrobots，喺商場舉行首個香港個人藝術展，展出過百件展品，設計總監同設計師，重會現身主持開幕禮。