俗語話「遠親不如近鄰」，咁鄰居係親人豈非更好？𠵱家有一例，利嘉閣吳國良話，原與父母同住鰂魚涌太古城嘅兩姊妹，見大家姐幾個月前買嘅同區康怡花園單位環境唔錯，搵利記幫手，最後以二百六十幾萬，買入P座五百九呎極高層十一室，每呎近四千五，低市價兩巴仙。 佢哋睇足一個月、二三十個單位先揀啱心水。原業主要換樓，見有得賺，所以肯平賣。