【本報訊】副個人資料私隱專員林永康涉嫌濫用公費出差，暴露法定機構「冇王管」，也凸顯政府監管不力。審計署署長鄧國斌透露，已就林永康事件開立檔案，不排除予以跟進，他直指民政事務局監管上出現問題，並要求政策局對資助機構「hands-off（不干涉）」之餘，亦要制訂清楚用錢守則，不能將之視作放了線的紙鳶，「啲錢使咗出去就任佢使」。 記者：許偉賢
鄧國斌接受本報訪問時稱，由於民政事務局正調查林永康事件，審計署現階段不會介入，但署方已就事件開立檔案，一旦當局的報告揭示事件有地方值得跟進，便會予以跟進，指出「報告出咗之後，我哋會睇件事係咪冰山一角？如果係，就值得去做。」
「放咗紙鳶就算？」
鄧國斌認為，公營機構雖然獨立運作，但其所屬政策局須進行某程度監管，例如應發放指引，要求機構跟隨，不能對它們完全「hands-off」，「政府點樣監管公營部門呢？係咪放咗紙鳶出去就算，啲錢使咗出去就任佢使？𠵱家係有個機制喺度，個機制究竟係咪唔完善？」
他續指，「我覺得喺審計角度，全部嘢要清清楚楚，hands-off之中都要鼓勵機構訂套守則，例如你個機構派你去外國，都有講清楚寫低你坐乜嘢機位、使幾多錢一日，大機構一定要咁。」
被問到民政事務局在林永康事件上是否監管不力，鄧稱「係呀，可以咁講……可能個局理念係hands-off，（以為）畀咗錢佢就搞掂。」他解釋指，該局轄下資助機構數目不多，加上涉及資助費不多，致令監管機制未完善，反之社會福利署及教育統籌局等，在監管方面有足夠經驗，因此做法相當妥善。
「唔係要捉人痛腳」
除了林永康事件，審計署現亦正為數碼港、香港電台、旅遊發展局及領匯事件開立檔案，以備他日跟進之需，鄧國斌強調，該署會以重要性、時間性、風險性、增值性及可行性五大原則，決定是否跟進個案，「唔係話要捉人痛腳、捉人出嚟祭旗，一定要有證據先去查。」
他更稱，若部門拒絕按署方建議進行改善，該署絕不罷休，「我哋最大阻嚇係：你唔改我就做多次，我再去幫你洗太平地，部門係驚㗎。」