李國寶哥哥出身東亞李家，係藍血望族，同一介平民嘅長毛梁國雄，表面睇嚟真係大纜都扯唔埋，點知長毛眼中嘅寶哥哥，係有偈傾嗰隻朋友。
事關每逢喺立法會，當長毛同寶哥哥同𨋢時，寶哥哥都會主動問長毛：「呢排好忙呀呵、好多嘢做呀呵？」然後長毛通常都會點頭話係，繼而就幽寶哥哥一默咁話：「你三點先嚟到，都好辛苦呀呵？」寶哥哥每次聽到都會笑笑口，唔會發火。
雖然係短短五秒鐘𨋢程，長毛已經覺得寶哥哥幾好人，至少唔會白鴿眼，當睇佢唔到！所謂識英雄重英雄，寶哥哥喺立法會都係獨行俠，不群不黨，我行我素，而且語不驚人死不休，同長毛不遑多讓；何況份屬同事，打個招呼好平常啫。
傳真︰2623-9278
電郵︰[email protected]