「既然有咗呢個病，長期要食藥，惟有當個病係朋友囉！有啲人有六、七個病，我只係得一個，其實已經比人哋好好多啦！」二十年前不幸患上類風濕性關節炎的黃女士，每天要承受着頑疾帶來的痛楚、面對喪失活動能力的無助，但她沒有自怨自艾，反而選擇了樂觀去面對。
黃女士憶述二十年前誕下兒子後不久，忽然感到四肢關節疼痛，一年多後才驚覺自己患上類風濕性關節炎，「點解會係自己？痛得好緊要嗰陣時，我好唔開心，好𤷪𤺧。」即使天天吃藥控制病情，但病況沒有好轉，近年右手關節更加萎縮，惟有放棄雀局消遣，令她感到無奈沮喪。
但最令她無法接受的是：不能再自我照顧。生活裏一些小節都要別人幫忙，「我一早起身，就要家人抱我行去廁所。天氣凍着件褸，又要麻煩家人幫我，自己都唔好意思。」
食藥當食糖
失去了健康，但她並沒有失去家人的關顧，「屋企人真係好好，佢哋話冇辦法啦，橫掂都係要食藥，不如當食糖啦！所以當我沮喪嗰陣，我都會𠱁自己開心，話畀自己聽，最耐下星期會好番，最快聽日就會好番！」
黃女士現在已能坦然面對逆境，甚至支持其他病友度過難關，「我同病友傾偈，會話畀佢哋聽，一定會好番。𠱁佢哋開心，其實即係𠱁自己開心！
記者：陳倩雯
逢周一刊出