吳彥祖、連凱、房祖名和Soler等歌手前晚出席「NBA運音會」，大顯身手打籃球，其中以吳彥祖和Soler最受現場觀眾歡迎，吳彥祖更被選為「MVP最有價值球員」，認真是靚仔大晒！
樂隊alive成員吳彥祖、連凱、尹子維和陳子聰、房祖名、EO2、張繼聰、Soler、盧巧音、關心妍、鄭融和吳日言等，前晚在灣仔會展出席新城主辦的「NBA運音會」。alive成員和房祖名等代表火箭隊出賽，EO2和張繼聰等則代表活塞隊，結果活塞以五十二比五十贏了火箭隊，雖然吳彥祖一隊敗陣，但他卻獲現場觀眾投票選為「最有價值球員」，令他大呼意外。
女友幫手吶喊
綜觀落場比賽的歌星，以張繼聰打得最好，犯規最多的是尹子維和陳子聰，不過最受現場觀眾歡迎的首推吳彥祖和Soler，果然是靚仔有着數。吳彥祖對於奪得「最有價值球員」獎，他笑說：「其實我對自己攞獎覺得好奇怪，因為又唔係攞得好多分，所以我認為自己唔值得攞，不過能夠得到觀眾支持，當然開心。我都兩年冇打籃球，今日我嚟打波都怕受傷，所以戴晒護膝。」吳彥祖的模特兒女友LisaS.亦到場為男友打氣，當吳彥祖射入罰球時，更興奮得為男友吶喊。
房祖名愛公牛
房祖名前晚的表現亦不俗，他說：「以前我喺美國讀書時係校隊，不過一直未攞過獎，但對打籃球真係幾熱衷，我最鍾意芝加哥公牛隊，特別係米高佐敦，我好欣賞佢嘅球技。」記者問到他爺爺早前入院，現時病情如何？他說：「爺爺已經冇乜事，早幾日我先同爺爺食過飯。」
採訪：何永寧 攝影：葉君海
