著名導演李力持酷愛攝影，早已是數碼相機拍友，但最近才首次捨棄菲林機，帶備一部數碼單鏡反光機，到韓國首爾為韓國旅遊影碟拍攝相片，「以前數碼相機淨係影生活相，唔敢用嚟影專業嘅相，但今次發現一樣得。」
他說數碼相機已幾可取代菲林機，於首爾之旅，就是晚上拍攝景色、花車巡遊，效果亦不俗，「我差唔多成程都係用auto，即係唔使攝影技術都OK。」
數碼相機最高輸出解像愈來愈高，價錢亦相應提高；但他提醒不可盲目追求新科技，「八百萬，甚至一千萬像素都好，其實無乜用。」他解釋，沖晒成3R或4R相片，相機解像二、三百萬像素已夠；事實上，機主使用時亦多自行將相片質素調低，以減低相片檔案大小，「即係話根本都無用盡啲像素。」
他認為相機顯示屏較大會佔優，除方便查看拍攝效果，更可讓旁人即時分享，「幫靚女影咗張相，即刻畀佢睇嘛。」但他說不可只着重屏幕尺寸，「就算同一個尺寸，但質素唔好，效果差好遠。」
日本生產屬頂尖級
至於相機質素，李力持認為日本生產的仍是頂尖兒，且「一分錢，一分貨」，不過消費者應視乎需要作選擇，「唔好見多功能就貴貴都買，識用先得㗎。」他自己多買日本水貨機，「款式新啲，而且係日本製造；保養？係無原廠咁好，但我又無乜點壞過機喎。」
由於需常向傳媒及工作夥伴展示相片，他多將數碼相片沖晒於相紙，而一般沖晒公司的沖晒效果均不俗。他又說，經常追求新款相機的，與其將舊機放在家中「漚臭」，不如售予二手舖，放上網拍賣的轉手價更高。他批評數碼相機最大缺點是叉電池易耗盡，出外旅遊時應帶多一兩件電池備用。
記者：翁煜雄