李克勤昨日出席在理工大學舉行的「SMS放榜通」活動，克勤擔任大使之餘，亦在現場向各會考生提供一些減壓的方法，問到克勤讀書時會考成績如何？克勤笑言：「除咗Ａ之外，樣樣都有齊，其實我嗰時都冇乜讀書，只係啱啱夠分升中六，都算係幾好彩。」
自嘲貪慕虛榮
克勤又自嘲說：「不過都係我貪慕虛榮啦，中六走咗去出唱片，中七嗰陣成績就好差啦，不過我都冇後悔過，因為行行出狀元嘛。」問克勤有否覺得時下有太多年輕人發明星夢？克勤謂：「如果真係有興趣就冇所謂，唔好因為覺得明星好易搵到好多錢而入行，其實我自己都試過低潮，以前亦有見過唔少人欠唱片公司好多錢，所以入行前真係要考慮清楚。」
採訪、攝影：胡比