踏進八月，又係準備九月開學嘅時候。林林總總嘅開學用品中，耗損度最高嘅可謂日日風雨同路嘅書包啦，所以為小朋友揀選書包時，質料是否耐用，設計是否配合小朋友的體形，內櫳是否足夠放書本等––都是考慮之列。
記者：呂瑋宗
攝影：林栢鈞
小Model：Yoyo
鳴謝：香港執業脊醫協會主席陳允灝醫生
走在時代尖端玩Hi-tech
高科技嘅書包確實解決了許多家長以往擔心子女「寒背」及感染細菌的煩惱。不過，每款Hi-tech書包都有各種獨特的功能同特色，所以揀選心水書包時不妨多問兩句。
SPI納米書包
乜書包都有納米技術？無錯，呢款本年度最新款式，唔單止利用咗現今至Hit嘅納米技術，重係由香港理工大學設計。這種書包具備護脊防「寒背」、防菌、防霉、防水等多功能，外層使用智能納米材料，因應亞洲人體工程學及根據脊骨弧度設計，重得到53屆世界創新科技博覽會銅獎。經測試後，證實呢種書包可令學童背部承受壓力較背普通書包的減少20%。呢個書包表面設計光滑，可供小朋友貼上自己喜愛嘅貼紙。此系列書包有綠、藍、紅三色選擇。
淨重：1.3kg
售價：$388（a）
烏天黑地都無有怕
呢款SPI書包除咗利用納米技術外，重使用3MScotchlite反光物料製成。同學仔背着呢個書包，天黑或雷雨時候過馬路甚引人注目，大大提高了道路上的安全。
淨重：1.14kg
售價：$288（a）
邊行邊聽
呢款設計獨特在背包右面有專為headphone線而設的出口，所以MP3機可以安安全全地放喺書包裏面，此系列有黑、粉紅、藍、綠、深藍及紅色選擇。
淨重：950g
售價：$358（a）
四款尺碼
Chiropak考慮到不同年齡的小朋友有不同身形的問題，故此提供由細碼到超大碼四個Size的同款書包以供選擇，的確體貼細心。
淨重：900g
售價：$429（b）
防曬防脫色
小朋友成日放書包響操場地下，好多家長都煩惱書包嘅脫色及磨損問題。呢款Chiropak書包不但具護脊功能，重擁有防UV、防脫色、防扯爛，以及防磨損設計，絕對符合家長們既要護脊，又要耐用嘅要求。
淨重：1.15kg
售價：$489（b）
色彩吸引
書包唔一定老套，好似呢款Chiropak嘅潮款特別版書包，夠晒colourful，不但可以用來返學，重可以用嚟去街街，一包兩用，有紅色、藍色及粉紅色以供選擇。
淨重：1kg
售價：$790（b）
輕身耐用
Chiropak一直強調新世代書包嘅革命性功能。呢款書包更強調對同學仔日常校園生活而設計，不但超輕、堅韌和耐用，而且內置可裝載細小物件的間隔，針對小朋友書包多雜物嘅需要。另有藍色、黃色及粉紅色以供選擇。
淨重：1.2kg
售價：$530（b）
卡通公仔陪住返學
學生們晨早在操場上放下書包集隊時，就係一場「我最喜愛卡通人物」的比拼。所以，書包上面印有嘅公仔就係整個書包嘅靈魂所在，發揮着協助小朋友識多啲朋友仔嘅功能。
小熊維尼幫你散熱
小熊維尼獲選去年香港我最喜愛迪士尼人物選舉冠軍。呢款係05年最新尼龍小熊尼書包，不但內附時間表，可放水樽，更有散熱坑紋背墊。
淨重：980g
售價：原價$218
特價$179（a）
粉紅小女孩
粉紅色嘅Melody一直深受女同學們嘅愛戴，有佢嘅書包你點可以錯過呢？另外，同一系列亦有同款啡色HelloKitty書包以供選擇。
淨重：540g
售價：$139（b）
超輕防氧化
巨靈星神的出現令地球頓陷入最大危機，馬上背超星神書包作戰！呢款書包以抗氧化布料製成，可保色澤亮麗，以超輕EVA環保膠製作，有防污及防水功能。
淨重：1.1kg
售價：$179（c）
索繩Monchhichi
呢款Monchhichi書包使用軟性布料及以索繩結設計，故此容量極大。而且款式中性，男女均可。
淨重：850g
售價：$239（b）
特闊軟墊背帶
各位女同學注意！水森亞土書包已經推出。它除了有散熱背墊外，更設有特闊軟墊背帶，而且更有活動內格及有蓋多用途側配袋。
淨重：850g
售價：$199.9（a）
其他選擇
我想做空姐
如果你次次上作文堂寫我的志願都係寫空姐或飛機師，呢款大口仔蚊型手拖篋絕對滿足到你。
淨重：1.56kg
售價：$200（b）
Lego生化戰士
你有無諗過日日砌緊嘅Lego生化戰士有出書包？生化戰士的Logo大大個好似浮雕咁展現在你嘅背上，確實型爆。
淨重：1kg
售價：$398（a）
史諾比兩用書包
書包原來唔係淨係可以孭，重可以拖。呢款史諾比書包設有肩帶外，手把和車轆可因應需要脫下。
淨重：1.9kg
售價：$229（c）
Lego潮流百變少女組
講到Lego書包，唔只男仔有份，女仔都有份，同樣係本年度最新款嘅Lego潮流百變少女組書包，色彩更鮮豔奪目。
淨重：890g
售價：$468（a）
宜選背囊式書包：
1.書包連書重量不可超過小朋友本身體重10-15%。
2.選擇書包時應着重書包尺碼、質料及重量。
3.首選背囊式書包，最能將重量平均分散在身體各部位。
肩帶闊減壓力：
1.肩帶要闊：面積夠大而有墊，可減低書包對膊頭造成的壓力。
2.備有腰帶：可以令書包更貼近身體，將重量平均地分布在腰骨及盆骨上，有效固定書包位置，防止書包搖擺不定令脊骨加添壓力。
3.背部軟墊：必然裝備，有坑紋的軟墊更有助散熱。
4.書包內固定帶扣：令書本更貼近背部，防止書本向外傾斜令書包重心下降而令脊骨受傷。
5.質料要輕：如尼龍、PVC膠等，避免有太多金屬拉鏈及鐵扣。
售賣點：
（a）西田百貨：沙田新城市廣場3期2樓（26941111）
（b）永安百貨：油麻地彌敦道345號永安九龍中心（27106288）
（c）吉之島：鰂魚涌康山道2號康怡廣場南2及3樓（28846888）