講舊場翻新，又點少得九龍灣德福廣場。德福鄰近觀塘apm，看apm來勢洶洶，早就展開龐大翻新工程，變身後德福新場一樣，更找來梁詠琪做代言人，希望翻新之餘都翻一翻身。食店方面德福都唔弱，今日就帶大家睇睇精選嘅法國菜LeFauchon同中菜中國芳。
記者：陳敏琪 攝影：陳陶鈞
中國芳──集合大中華美食
中國芳乃是美心集團旗下的分店，主打當然是中國菜。不過中國芳的菜餚絕不局限於廣東區，反而是融和了中國多個省分的美食及著名的煮法，看看菜名就知道，它集合了大中華的廚藝精華，每個菜都具中國各省分特色。想在德福吃盡大江南北，中國芳是個不錯選擇。
山東手撕熏雞
山東著名菜式，將新鮮雞用自製的醬煮熟，再用香片茶葉熏，最後用手拆肉上台。
屋裏廂千層峰
所謂的千層峰其實是豬耳。用豬耳洗淨去毛，用熱水煮過，再放入醬煲煮熟，煲內混有桂皮、八角、甘草等香料，用醬熟的方法可令豬耳腍身及入味，最後放入鐵箱令豬耳更實更平身。
蘇州高郵黃金蝦
蘇州高郵的鹹蛋出名，亦成此道菜的黃金。將大蝦炸過，鹹蛋蒸熟後再炒爛至溶，再加入蝦，蝦被香口的鹹蛋包圍，口感不俗。
中國芳
地址：九龍灣德福廣場一期商場F2號舖
電話：27079822
營業時間：11:30am-3:00pm，6:00pm-11:30pm
座位：220
LeFauchon──法國菜國際化
因為出色的法國菜，LeFauchon先在蘇豪區打出名堂。走出蘇豪後，要在九龍灣製造驚喜，為吸引食客，LeFauchon以Mix&Match方法，在法國菜加入各國元素，例如中菜、日菜、意菜等等的材料及煮法，令到大家可以在一道菜中食出幾個國家菜的特色。而無論用料、烹調的時間、上菜的時間，似乎都是經過大廚阿正的精密計算，所以味道、熱度等都恰如其份。趁夏季，LeFauchon推出了一系列開胃消暑新菜，在炎夏之中的確醒胃。
燒烤珍寶牛肋骨
很多人都食過燒烤豬仔骨，LeFauchonColour就用美國牛肋骨代替，推出個幾月至今，深受食客歡迎。所用的牛肋骨都是大件頭，先用2小時的時間用雜菜、香葉等去半焗半浸，搽上自家製燒烤汁再焗，所以非常腍身。最重要的燒烤汁，酸酸甜甜，非常醒胃，配合牛肋骨，令整道菜完全不覺肥膩。
炸咖喱軟殼蟹配
薄荷青瓜沙律（前菜）
用日式天婦羅的煮法處理軟殼蟹，將天婦羅粉加入咖喱粉及印度香料，令軟殼蟹有食天婦羅的口感，又有印度咖喱的香濃。而且配有薄荷青瓜沙律中和咖喱，並帶有田園風味。
炸脆皮龍脷柳配香芒番茄汁
用中國的腐皮卷包入龍脷柳及甘笋等再炸一炸，底下用油爆的中國唐芹加入薯茸，配以芒果和番茄汁，令到一碟菜式有多種口感，龍脷柳脆而不油，薯茸軟腍中又有唐芹爽口。叫Set貴$20（$128）連前菜、餐湯，抵食！
西瓜凍湯（餐湯）
不用水不加冰又不用煲，用四分一的原裝西瓜，加入薄荷葉，新鮮打造，再雪一雪，即可飲用。有薄荷的清新冰涼，西瓜更是夏天消暑必選，所以又解渴又能合湯醒胃的功能。
LeFauchonColour
地址：九龍灣德福廣場二期419號
電話：26922006
營業時間：11:30am-10:30pm
座位：140位
