無綫上映的《妙手仁心》令人想起所謂「靚仔醫生」，於是乎有人問，究竟香港醫學界又有否「靚仔醫生」呢？我的答案是「有」，不單止「有」，而且他們為數也不少呢！
就由《妙手仁心》談起，原來無綫近年醫療劇集的資料來源，尤其是心臟病科的資料來源，就是三個字—何鴻光醫生。何鴻光醫生為QE高級心臟科醫生，高大靚仔（《妙手》吳啟華形象直接抄襲自他），歷任香港醫學會聖誕PartyMC，也時常在港台醫學節目入面出鏡，QE心臟科慣常出現之闊太病人，大部份為何醫生Fans，厲害不厲害？應該這樣說，QE心臟科真的是靚仔生產地，何醫生師傅王壽鵬醫生，屬於「四哥中生型」；何醫生師弟李少隆醫生身材高䠷，近日像師傅壽鵬出來私家搵食，進入「仁安系」做心臟科頭頭，各位小姐闊太小心自己找他們看心臟而首先心臟病發呢。
說完醫管局靚仔醫生，其實話分兩頭，私營市場近日也成為了靚仔天下。「香港興業」洞悉先機，在醫管局「私營化」醫療事業之前已部署清楚，先後推出「糖尿旗艦」QUALIGENICS及「心臟旗艦」CARDIOMED。由於商人辦事，份外小心，所以兩艘旗艦艦長都為靚仔級人馬，前者為舊甲組球員運動型之陳諾教授，後者為東區醫院過檔靚仔梁達智醫生，一位神威，一位睿智，有排玩。
大家如果不想看大集團醫生，單拖開業的「靚仔醫生」有的是，晚晚十點幾準時代表「香港專科醫生學會」出鏡的肺科醫生梁宗存醫生，相信已成為不少師奶的最愛，無辦法，人哋溝到黃德如姐姐做老婆，肯定靚仔！