前民主黨觀塘區議員何偉途舊年參加立法會選舉時，被內地指涉嫌嫖妓，遭收押勞教半年，返港時一身牛皮癬，經歷的確有警世意味。何偉途返港後行事低調，近日先開始活躍，今年7.1大遊行佢亦有同老婆一齊上街。
何偉途透露，有意將勞教經歷出書，不過未正式動筆已經受到一啲同內地有關係人士關注。佢話尚未正式同出版商洽談，已經有「上面嘅人」搵佢查詢做乜出書，內容係乜，佢話唔敢講呢啲係咪施壓，暫時亦唔知出版商會唔會拒絕為佢出書，肯定嘅係有啲人好關心佢會唔會爆大鑊。一般香港人對勞教生活有幾多興趣，都幾難估計，但何偉途經歷，對從政同愛蒲人士，相信有唔少啟示。
爆料熱線：29290000、27860099
報料傳真：26239278
報料電郵：[email protected]