飲食人誌1：沙田新城市翻新反擊間間食店排長龍

知唔知全港人流最多嘅係邊個商場？唔係太古城、唔係apm，5、4、3、2、1，開估！答案就係沙田新城市廣場。沙田新城市廣場年約25歲，商場嚟講唔算年輕，因此近半年進行豪裝大變身，將大部份食肆集中在七樓的Menu@7。全個翻新工程要到年尾先至完成，但唔少食肆經已開幕，以下三間先頭部隊經已率先彈出，成為長龍店，喺沙田區搵食，你知碇啦！

記者：梁學文　攝影：伍慶泉　Model：Crystal

■翻新後最大特色係縱橫交錯的行人電梯，而商場食肆就主要集中在7樓Menu@7。

周記──避風塘海鮮口味

周記避風塘是商場大翻新後，最早在七樓開業的餐廳。短短三個月來，幾乎每日晚市都爆滿，叫得做避風塘，最拿手的菜式當然就是海鮮，款款都具有避風塘特色，極具香港色彩。為配合避風塘美食，店內設計更以船作主題，令菜館更具避風塘特色！店內更設有二人情侶包廂，讓情侶們可以過盡二人世界，亦不怕被騷擾。
爆棚指數：★★★★★（以5個★為滿分）
長龍原因：海鮮風味獨特，係場內獨市生意。裝修有心思，坐得舒適，而情侶包廂、戶外座位亦相當搶手。

水鬥水

水鬥水的意思就是水蟹煮水瓜，是其中一款最新的菜式。先把水蟹煎至半生熟，然後加入水瓜放進魚湯一齊燜。魚湯用鮮魚、豬骨和雞等材料熬足四個小時，味道清甜。水蟹較多汁，水瓜皮脆肉腍，兩種材料入口鮮甜。這款菜式適合夏天進食，味道清爽。

$55

番茄豆腐釜飯

釜飯是周記招牌菜式，特色是讓客人可以按自己的喜好，自己加入不同份量的材料。番茄豆腐釜飯是最新推出的，番茄醒胃可口，粟米鮮甜，豆腐亦軟滑。這個釜飯用魚湯煲熟，讓飯粒吸收魚的鮮味，不含食油，味道清淡，比較健康。吃時加入雞蛋，味道更佳。

$68

不怕浸（前）、不怕曬（後）

不怕浸是水泡形的果凍，寓意是艇家人不怕浸水。紅色是士多啤梨果凍，白色是呍呢拿，入口涼涼哋；而不怕曬是芋頭蛋糕，捲着椰子慕絲和芒果肉。外形似艘船，整艘艇也可以吃！

$45(前)$38(後)

珍珠煎蠔餅

舊式蠔餅的做法是以大量的油去煎炸蠔餅，煎炸過的蠔餅雖然香口，但比較油膩。如今大家飲食都講健康，於是周記的廚師就改良做法，改用西式薄餅的方法，用平鍋煎蠔餅。新煮法令蠔餅入口煙煙韌韌，亦保留了蠔的味道。

$38

松子小海皇

顧名思義，這款菜是清炒海鮮。海鮮材料有珍珠鮑、帶子粒和櫻花蝦等，再配合小黃瓜和松子清炒，味道豐富。這道菜有豐富的海鮮味，特別是櫻花蝦，別輕看其蝦身細小，已經很有蝦味。夏天食瓜類最合時，小黃瓜入口清爽得來又有海鮮味。

$55

周記避風塘（26280218）
新城市廣場1期7樓710號舖
座位：260個
營業時間：11:00am-11:00pm

■二人情侶廂座，讓你過二人世界。

■室內座位以船作主題設計，而室外環境寬敞，各具特色！

南山谷──新派韓菜夠的骰

開業兩個月的南山谷韓國居食屋，幾乎每晚都爆滿。經理陳先生：「逢周六日都有人排隊，除了一家大細外，亦有韓國和日本人幫襯。」店內室內設計由日本設計師負責，活用三千多呎空間，樓底高、地方闊，坐得舒適。菜式方面，全由韓籍顧問設計，口味保留傳統，例如全部醬料均由韓國入口，保證原汁原味，但亦配合新派包裝手法，菜式都的骰細細碟，又亦不失地道韓國風味。
爆棚指數：★★★★1/2★
長龍原因：口味傳統，製作認真，而菜式種類多而「的骰」，適合港人樣樣試啲的心態。

等我帶你食好嘢！

怪味雞串

賣相普通，不過一放入口你就知！怪味雞的怪味源自秘製怪味醬，他們以韓式醬汁作主調，再加入中式豆瓣醬和泰式雞醬調配而成。入口味道特別，雞肉口感嫩滑。

$32

韓式
麥茶柚子果凍

這道甜品靈感來自意大利菜，再加入韓國麥茶和清河酒配製而成。果凍的做法並不簡單，要一層一層的做，魚膠粉的份量要控制得宜，配合鮮果味道清甜。果凍入口似飲茶，又有新鮮生果食，一舉兩得。

$30

香煎鵝肝
石頭鍋飯

招牌菜式，用韓國入口白米，加入雜菇和韓式調味料而成。再將鵝肝煎熟，放進石頭鍋中上枱。廚師提醒我們吃時要把所有材料撈勻，這種食法才正宗。

$88

傳統冷湯麵

湯底用燒過的牛骨熬製，再加入梨和菠蘿兩種鮮果，目的是讓湯底吸收天然糖份，令湯底更清甜。在打冷麵的時候，加入蕎麥使麵身更煙韌彈牙。冷麵入口冰涼醒胃，適合夏天時食用。

$52

南山谷（26082172）
新城市廣場1期5樓507號舖
座位：約156個
營業時間：11:30am-3:30pm，5:30pm-11:00pm

■韓式居食屋的設計，以深色為主。

■郭師傅負責主理各種菜式。

Teppan──美日鐵板混雙

Teppan餐廳的裝潢以日式為主，例如餐桌和餐椅均是日式設計，但細心看，牆身也會加入美式的元素。原來作為7樓首間日式餐廳的Teppan，食物混合美日煮食風味，最著名的是鐵板燒和炭燒食物。店內特別設計的開放式廚房，令廚師烹調的過程一目了然。開放式廚房以玻璃密封，同樣可以看到廚師的表演，又不會沾得滿身油煙。在店內提供近百種食物，種類多元化。
爆棚指數：★★★★
長龍原因：菜式種類多，用料足，融合美日兩種口味，定價合理。