大嚿陳偉業（圖）真係二十四孝老竇，佢呢個月會帶個二女去加拿大讀中學。大嚿有三個女，大女早幾年已經去咗加國讀書，𠵱家上咗大學，今年到個二女。
原來大嚿嘅爸爸媽媽以及外父外母都住晒喺楓葉國，所以佢好放心放個女去留學，大嚿認為香港嘅教育制度唔多掂，啲細路留喺香港讀書，就不如早啲去外國。八方問佢咁咪好寂寞？佢話好彩個細嘅重喺香港，以後就人少啲喇。
其實班立法會議員好多都係好爸爸，早前李華明唔見咗人，原來又係去咗外國同個女搵學校。佢同八方講，自己好民主，所以帶個女去實地考察，等佢自己揀想讀邊間。至於張文光，就同個女搵埋補習老師，又係親自送去英國，真係唔話得。
爆料熱線：29290000、27860099
報料傳真：26239278
報料電郵：[email protected]