上星期講起試鏡，其實重有很多話題想講。我唔知讀者裏面有幾多人想演戲或者準備投身演藝事業，但係好肯定真正有心想試鏡嘅人就好少。當然就算你想試都唔係日日有機會，因為香港正式嘅試鏡真係好少。
電影的選角過程其實冇乜特別規則，通常劇本未完成前，監製同導演會先開始討論主角的人選，又主角的人選通常在還沒有導演前已經定下來，所以導演通常不需要太傷腦筋。
配角及二、三線的角色就有很大的空間了，如果老闆沒有特別欽點的人選，導演就可以自由發揮。因為劇本還沒有完成，找演員的時候靠的當然是一把口和一頁紙的故事大綱，所以大部份時候導演的口才都幾重要。我當然明白冇理由我講兩句你就肯應承演出一個角色，我亦都唔會未知一個演員嘅演戲能力就決定。所以經理人同製片就會安排雙方見面，通常地點會在某酒店的咖啡室。其實呢次見面大部份人就會當係一次試鏡，點試？都係傾兩句，講講個古仔，問吓啲八卦嘢，例如其他演員有邊個，個角色使唔使暴露，有冇床戲？有冇接吻戲咁上下。聽落好似係試吓個導演有幾大耐性多啲。
不過唔緊要，因為電影奇怪的地方是有時候找一個角色並不是要求演技，因為電影的長度實在太短，一個角色可能只出場一分鐘，所以找一個感覺適合的人可能比找一個有演技但外形完全不適合的人更重要。