噚日八方同浸大工管學院院長何順文傾開，發現最近兩任嘅港交所上市委員會主席，同浸大都好有淵源，現任主席鄭慕智係浸大校董會主席，前任上市委員會主席張建東就係浸大榮譽博士。不過，何院長話，佢兩個人作風其實幾唔同，張建東傾向新上市審批應由專業人員負責，認為可加快流程，而上市委員會應集中做釐訂政策，但鄭主席就覺得應維持現狀，繼續由上市委員會負責審批上市申請。
其實張建東做主席嗰幾年，都無法改變現實。可見要做市場改革，其實唔係容易。好似證監會主席沈聯濤即將離任，佢任內其中一件未了嘅事，就係未能將港交所嘅上市審批權收歸證監。近來一直傳聞張建東係下屆港交所主席大熱，若然真係佢接替李業廣，到時又會唔會大變呢？
傳真︰2623-9278
電郵︰[email protected]