做生意好講市場觸覺，所以近年唔少藝人轉投美容事業，事關佢哋熟悉呢方面嘅行情，其中佼佼者，非由歌手變身上市公司主席嘅張玉珊莫屬。 修身堂張主席，噚日應邀出席貿發局喺會展舉行嘅美容業「商」聚一「會」，同三百多位業內人士講解佢嘅銷售策略。佢覺得，經營美容事業好似𠱁女仔咁，唔可以太過hardsell，要有明顯嘅效果，而市場定位都好重要。 不過，可能張主席平日習慣上電視，對住鏡頭教大家如何秀出美麗人生，一時間調節唔到，竟稱顧客為觀眾。