財政司司長唐英年鍾意飲紅酒，原來都鍾意聽音樂，而且鍾情於莫扎特、貝多芬同埋GustavMahler。
唐唐喺放假前接受有線電視《人物風流》節目主持人張寶華訪問，講到佢生活嘅另一面。原來唐唐覺得做人即使面對逆境，亦要積極樂觀啲，所以佢最欣賞莫扎特，覺得佢係一個天才作曲家。佢嘅樂曲表現出一種樂觀嘅人生觀，同佢好相似咁話。
要財爺選一首樂章畀香港，佢選莫扎特或者Mahler一啲比較令人心情愉快嘅作品，因為香港人經歷咗好多挑戰，捱到𠵱家經濟環境終於好轉。
音樂亦成為財爺同啲仔女溝通嘅媒介，大家一齊欣賞音樂，有咗話題，個女重同佢推介韓國青春女歌手BoA嘅歌，但係佢就分唔開同日本流行音樂有乜關係。至於本地歌手，佢就比較喜歡張學友。
傳真︰2623-9278
電郵︰[email protected]