鄧萃雯、林峯、歐倩怡、謝天華和吳美珩等昨日在將軍澳電視廣播城為新劇《女人唔易做》試造型，歐倩怡因為個子嬌小，一見到林峯和謝天華埋身時即叫二人擘腿遷就自己高度，非常搞笑。
一定負責任
鄧萃雯在《女》劇飾演一位女強人，後來因為想生育，故向林峯和謝天華借種，但雯女強調現實生活絕不會如此不負責任，她說：「我梗係唔會要仔唔要老公啦，要有完整家庭先會生小朋友，以前我好堅決唔會生仔，𠵱家改變咗，遇到好男人會為佢幸福設想。雖然暫時我未有生仔念頭，但睇完劇本後都加強咗，因我好多朋友結婚生仔後都有好大改變，真係要自己經歷先知。」
此外，早前有傳雯女因常推掉無綫工作而遭雪藏，雯女說：「總之同無綫關係不變，維持部頭合約。」
採訪、攝影：卓寶花
