話咁快一年，月餅又嚟喇。
香港人愈來愈講究健康，就連月餅呢啲咁傳統嘅食物，都會花心思將佢做得健健康康。翠亨邨全新推出「素雙月」迷你月餅，當中包括「南瓜迷你月餅」及「馬蹄迷你月餅」各兩件。「南瓜迷你月餅」採用精選的日本南瓜及南瓜子作材料，口感腍軟，味道香甜。而「馬蹄迷你月餅」就將馬蹄配合子薑，入口清爽，別具風味。當然，除咗呢兩款健康月餅，傳統嘅「雙黃白蓮蓉月餅」一定唔少得，今年的月餅特意選了低糖的白蓮蓉，令月餅更甜而不膩。而且翠亨邨目前更以近55 折的優惠價發售（至8月14日)，係咁人月兩團圓的日子，梗係要食得更加健康啦！
記者：陳敏琪
翠亨邨（23762882）
尖沙嘴總店：九龍尖沙嘴彌敦道132號美麗華商場地下