梁榮忠前晚去咗會展睇首映，當佢接受電視台訪問時，葛民輝指住有線電視嘅攝影機叫忠仔望鏡「sayhi」，實行大整蠱，好彩忠仔睇到有線個Logo，冇做出任何反應。之後忠仔話：「有線對我係有恩情，但我身在無綫，身份唔方便呀，真係俾阿葛激死，我流住三色血，當然要表明立場，未來都唔會換血住，不過都好多謝其他公司嘅恩情，我會銘記於心。」