長實嘅將軍澳都會駅，開售在即，各大代理行輪住合作造勢，美聯同利嘉閣，已經先後出招，重未輪到嘅香港置業，都諗計拉吓關係先。 香港置業日前趁住慈善足球賽，請嚟長實郭子威做神秘嘉賓，港置行政總裁胡日發，乘機送件印住個「威」字嘅香港置業TShirt畀佢，預祝佢負責銷售嘅都會駅，同港置嘅銷售，成績都一樣咁「威」。 港置就係咁樣成功搶到曝光率。