新任美國駐港澳總領事郭明瀚（圖）噚日到埗，一嚟到就辣着特區政府嘅中樞神經。郭總喺佢嘅履新演詞上面話，美國好關注香港未來，希望一國兩制可以成功落實、希望香港享有自治，並且發展民主。嘩！佢都算沙膽，新上任就秉承大美國主義傳統，干涉中國內政、香港事務。
有樣嘢都幾奇情，郭總兼任駐澳門總領事，偏偏佢講到澳門時就冇提到甚麼澳人治澳、自由民主。郭明瀚來頭唔小，正值東歐獨裁政權一一倒台嘅時候，佢喺北約工作，有份參與東西德嘅統一、華沙公約同蘇聯嘅解體，絕對係大時代人物。
傳真︰2623-9278
電郵︰[email protected]