女歌手王蓉（中）噚日出席喺灣仔舉行嘅亞視宣傳活動，原來佢係幫劇集《小魚兒與花無缺》唱主題曲。亞視戲劇及藝員營運部總裁楊紹鴻（左一）話遲啲亞視會同國內合作製作三百幾小時嘅節目，所以稍後會簽好多唔同嘅藝人，佢重話𠵱家係新開始，唔希望旗下嘅女藝人過份暴露，唔好再着啲泳衣影相喎，重話如果唔聽話就即炒㖭！