香港發展商賣樓，花臣多，大家已經見慣，但內地樓盤，肯搞促銷活動嘅唔多，深圳紅樹西岸可能係異數，呢個樓盤嘅宣傳招數，同香港樓盤不相上下。 下周一，發展商百仕達控股多位高層，會公布推出「港幣置業增值計劃」，講解買家點樣可以透過呢個付款辦法，達到增值效果。 紅樹西岸共有一千三百零二個單位，面積千二至五千二呎，預計○六年落成。