鄭希怡（Yumiko）、梁洛施和吳浩康等一眾英皇歌手，昨日出席《英皇新秀歌唱大賽2005》記者會。吳浩康透露早前與Yumiko拍廣告時，要攬對方的腰，他憶述拍攝過程說：「都幾好攬。」
鄭希怡、梁洛施、謝霆鋒、關智斌、吳浩康、Boy'Z及BabyQ等，昨日在尖沙嘴出席《英皇新秀歌唱大賽2005》記者會，○四年新秀冠軍王凱駿、關智斌和BabyQ分別唱歌跳舞助興。梁洛施表示十分欣賞BabyQ的勁舞，她說：「平時睇MV都覺得好厲害，今日就真係可以學吓嘢，我細嗰都學過兩年芭蕾舞。」
汰弱留強
吳浩康和Yumiko透露早前以情侶檔拍攝波鞋廣告，問到可有親熱鏡頭時，吳浩康說：「攬腰囉，都幾好攬。因為大家本身好熟，所以拍嗰陣都冇乜嘢尷尬，只係不停咁笑。」但Yumiko說：「如果係我攬佢，我驚搵唔到佢條腰。」
謝霆鋒勸告一眾參賽者一定要想清楚自己加入娛樂圈的目的才好參賽，他說：「我唔贊成嗰啲人只係因為想着靚衫而參加囉，除非佢本身係好熱愛音樂，每年新人有好多，但係到第二年又淘汰得番幾多個呀？我自己睇到都覺得心噏。」
前路崎嶇
霆鋒又自言是新人的借鏡，他解釋：「我相信我係一個幾好嘅榜樣畀啲新人睇，因為我條路有幾崎嶇得幾崎嶇，有幾順利得幾順利，但係我冇後悔入行。」
採訪：王崇穎
攝影：陳志嵐
