在外國長大的「番書仔」陳冠希不懂看中文，他首度演出王晶監製劇集《八大豪俠》，因為要背冗長的中文對白，故每逢開工前一晚他都要做足功課，翌日開工才可以應付過來。
王晶監製、陳冠希（Edison）、黃秋生、林子聰（肥仔聰）與范冰冰合演的劇集《八大豪俠》已全部煞科，現正展開後期工作。Edison出道以來，首次接演電視劇，他解釋因該劇由王晶監製及程小東任動作指導，加上有契爺黃秋生合作演出，所以他才破例接拍。
努力rap對白
不過對一個不懂看中文字的演員來說，拍古裝劇會比其他演員辛苦，所以每逢開工前一晚，Edison都不敢怠慢，在酒店房間內做足功課，他表示：「我第一次感受到拍劇嘅艱辛，以前經常聽其他演員講，拍劇係一個好好嘅磨練，我真係體會到，呢段日子對我嚟講係一個幾好嘅磨練。」
劇中Edison是劍客秋生的徒弟，而肥仔聰是一名「豆泥」發明家，也是Edison的好朋友，兩人在劇中有不少對手戲，肥仔聰說：「對Edison當然係好磨練，一個唔識中文嘅人，竟然可以拍古裝，實在太難明白喇！不過我睇見佢每日喺片場好花心思，對住份劇本寫完又寫，起初我都唔知佢寫乜，後來先知道佢喺度寫英文拼音，然後好努力咁rap佢啲對白，到埋位時，佢果然可以講清楚對白，證明佢叻仔又聰明。」
「真係打到嘔」
除了念中文對白艱苦外，Edison在劇中亦要應付不少動作鏡頭，對他來說是更大的挑戰，由於他周身有舊患，所以每做一個動作時，他都非常吃力。Edison笑言：「我真係打到嘔，我身體嘅舊患全部都係以前經常練功之過，以前我冇理自己身體，打拳可以打到手腕脫臼，打觔斗又整傷腰骨，受傷之後又冇好好醫，先會搞到後患無窮。」
